"إيميل" شاب الدليفري مبتور الأصابع

"لا دا مش كيس بن" .

دي حادثة عادية لشاب دليفري عشريناتي بيجري على أكل عيشة .. و اللي في الكيس ده صابعين من صوابعه حطيتهم مع تلج عشان نلحق نوصلهم في أقرب وقت .. الشاب كل اللي همه أولاده: "ولادي هيعيشوا إزاي من بعدي" .

والده طول الوقت بيبكي و مش عارف يفكر .. زمايله - اله يبارك فيهم - كتير و رجاله .. أخته صريخ و صوت عالي و بكاء متواصل: "دا ابني مش اخويا" .

الحادث من ٩ مساءً .. و قدامنا ٦ ساعات و بعدها العملية هتبقى زي عدمها .. ربنا لا يقدر .. العملية نفسها - حسب تقدير الأطباء - من ٦ إلى ٨ ساعات .. عملية مجهدة و دقيقة داخل فيها أكتر من تخصص .. و الأجهزة بدأت تتجمع من أكتر من مكان عشان العملية .. و معاها طبعاً الأطباء .

(إيميل) واحد من عمال دليفري كتير بنشوفهم في الشارع .. و للأسف بسبب التهور و السرعة الغير عادية بنقابلهم في حوادث .. منهم واحد قابلته في حادثتين وقت شغلي في المقطم .. ربنا يدفع السوء عن الجميع .. و يشفي كل مريض .. دعواتكم .